کد آمارگیر

یارب هچ عاشقی شرمنده دوران ائله مه

وارلیقین آلما گینن خارلیغین آسان ائله مه

توت الین نن ایاقا قالخیز اونی یا ربیم

وئیر قراری کونوله قلبی هراسان ائله مه

گرچه ناشکر دی چوخدور گنهی درگهیوه

بو گنهکاره خدایا بئله طوفان ائله مه

یوخ توانی بولورم تاکی گزه سن نن اوزاخ

ائت عطا مرحمتین رحمیوی پنهان ائله مه

فقط عشقین هوسی بنده وی عاشق ائدیری

اولوب عاشق بو بیر آی عاشقه افغان ائله مه

چوخدی دردی گتیرممیر دیله ای رب جلی

گوز یاشینان دییری سوزلری عنوان ائله مه

وئیر خدایا اونا روزی کرمین نن چوخلی

ائتمه سه شکرینی گر نعمتی احسان ائله مه

گئجه گلدی یاریا بنده ی نالانیوی سن

دائما سال یادا بی بنیه و بنیان ائله مه